Flřtilei­ir
mi­vikudagurinn 23. ßg˙stá2017 - 17:04 | Umhverfis- og eignasvi­

Vatnslaust vegna vatnsleka

Lögn er í sundur milli Urðarvegs og Engjavegs og er að skola í burtu göngustíg svo óhjákvæmilegt er að skrúfa fyrir vatn á stærstum hluta efri bæjar og hefja viðgerð. Ekki er hægt að bíða lengur en til klukkan 20 í kvöld, miðvikudagskvöld, að þessu sinni þar sem göngustígurinn liggur undir skemmdum. Vonandi varir vatnsleysið ekki lengur en til klukkan 23, en mögulega gæti viðgerð tekið lengri tíma.

Vatnslaust verður á Hjallavegi, Urðarvegi út að nr 15 (frá 15 – 80), Engjavegi, Seljalandsvegi 30 – 78, Miðtúni, Sætúni, Stakkanesi og Orkubúi.

mi­vikudagurinn 23. ßg˙stá2017 - 15:02 | Menningarmßl

Auglřst eftir umsˇknum um styrki til menningarmßla

Ísafjarðarbær óskar eftir umsóknum um styrki til menningarmála, síðari úthlutun ársins 2017. Umsóknirnar skulu berast til Ísafjarðarbæjar, Hafnarstræti 1, 400 Ísafirði, eða á netfangið thordissif@isafjordur.is. Umsóknarfrestur er t.o.m. föstudagsins 15. september.

Tekið skal fram að þær umsóknir sem þegar hafa borist eru teknar gildar við síðari úthlutun.

Bent er á reglur Ísafjarðarbæjar um úthlutun styrkja til menningarmála og umsóknareyðublað sem fylla þarf út og skila með umsókn.

■ri­judagurinn 22. ßg˙stá2017 - 15:12 | Umhverfis- og eignasvi­

Vatnslaust enn og aftur

Vegna viðgerða þarf að taka vatn af efri bænum á Ísafirði og öllum Hnífsdal klukkan 22 í kvöld og fram á nótt. Nokkur hús munu sleppa við vatnstruflanir, en almennt mun verða vatnslaust á Engjavegi, Seljalandsvegi, Hjallavegi, Hlíðarvegi, Urðarvegi, Miðtúni, Sætúni, Stakkanesi og í öllum götum í Hnífsdal. Þá verða vatnstruflanir á Hlíf, Sólborg, Menntaskólanum, Orkubúinu og í íþróttahúsinu á Torfnesi.

Í gær varð óvænt vatnsleysi víða á Eyrinni á Ísafirði í á aðra klukkustund. Hreinn og klár misskilningur olli því óþarfa vatnsleysi og er beðist velvirðingar á þessum mistökum.

Tíðar vatnstruflanir í sumar eru eðlilega farnar að hafa áhrif á skap íbúa, en nú hlýtur að fara að sjá fyrir endann á þeim. Í sumum tilfellum hafa þær verið óhjákvæmilegar, en ofan á hefur bæst alls konar óheppni og í einhverjum tilfellum klaufaskapur sem hefur bætt gráu ofan á svart.

mßnudagurinn 21. ßg˙stá2017 - 15:19 | Umhverfis- og eignasvi­

Su­urtangi, gatnager­

Suðurtangi, gatnagerð

 

Ísafjörður

 

 

Almennt útboð

 

Tækniþjónusta Vestfjarða ehf,  fyrir hönd Ísafjarðarbæjar óskar eftir tilboðum í 1.áfanga gatnagerðar á Suðurtanga, Ísafirði.

 

Verkkaupi:          Ísafjarðarbær, kt: 540596-2639.

 

Verkefnalýsing:

 

Í verkinu felst að grafa upp efni úr götustæði og aka á tipp,

einnig þarf að grafa fyrir lögnum, koma fyrir götubrunnum, leggja frárennslis- og vatnslagnir.

Fylla svo í upp undir efra burðarlag og reisa ljósastaura.

 

Lengd gatna er samtals um 430 m.

 

 

 

Verkinu skal að fullu lokið eigi síðar en 20. desember 2017.

 

Framkvæmdir geta hafist í september eftir að verksamningur hefur verið undirritaður.

 

Útboðsgögn verða afhent hjá Tækniþjónustu Vestfjarða, Aðalstræti 26, Ísafirði frá og með 23. ágúst 2017.

 

Tilboðin verða opnuð hjá Tækniþjónustu Vestfjarða, fimmtudaginn 7. september n.k.  kl: 11:00 að viðstöddum þeim bjóðendum sem þess óska.

mßnudagurinn 21. ßg˙stá2017 - 14:36 | Ţmsar tilkynningar

Lokun ß vatni

Vegna vinnu þarf að loka fyrir vatn á eftirfarandi stöðum núna klukkan 15:00 og mun það standa yfir í um 1,5 - 2 klukkustundir:

 

Sundstræti

Tangagata í norður frá Silfurgötu
Silfurgata frá bakarí að Sundstræti
Smiðjugata frá Þvergötu að Silfurgötu
Partur af Silfurgötu í norður
Sundstræti frá Þvergötu að Fjarðarstræti

mßnudagurinn 14. ßg˙stá2017 - 14:08 | Menningarmßl

Lindy hop Ý Edinborg

Í tengslum við hina árlegu Lindy Hop swingdanshátíð Arctic Lindy Exchange 2017 munu vera haldnir tveir dansleikir með jazzhljómsveitinni Hrafnaspark í Edinborgarhúsinu 15. og 16. ágúst.

Um 80 erlendir dansarar koma til Ísafjarðar í tengslum við hátíðina til að skemmta sér við að dansa hinn upprunalega para swingdans millistríðsáranna, dansinn Lindy Hop (einnig þekktur sem Jitterbug).

Í tengslum við dansleikina verður Vestfirðingum boðið að læra nokkur grunnskref á stuttu kvöldnámskeiði bæði kvöldin. Eina sem þarf er að skrá sig, kaupa miða á dansleik (einn eða báða) og þá fær maður klukkustundar kennslu í dansinum.

- Þriðjudagskvöld 15. águst
Kennsla frá 20:00-21:00. 
Efnistök: Einföld grunnskref fyrir byrjendur.
Ballið byrjar 21:00 með plötusnúðum og hljómsveitin byrjar 21:30.
Verð: 2.500 kr. (dansleikur og kennsla)

- Miðvikudagskvöld 16. águst
Kennsla frá 20:00-21:00. 
Efnistök: Klassísk rhythm grunnskref.
Ballið byrjar 21:00 með plötusnúðum og hljómsveitin byrjar 21:30.
Verð: 2.500 kr. (dansleikur og kennsla)

Athugið til að skrá sig verður maður að senda email á info@arcticlindyexchange.com og til að tryggja jöfn hlutföll herra og dama verður maður að skrá sig með félaga, þ.e.a.s. einn sem dansar herrann (Leader) og einn sem dansar dömuna (Follow). Það er vert að nefna að þessi hlutverk eru ekki kynbundin, þ.a.s. konur geta dansað herrann og karlar dömuna.

Lágmarksfjöldi þátttakenda fyrir hvert námskeið eru 8 manns og það er engin krafa um fyrri dansreynslu.

Á þessu myndbandi má fá góða innsýn í það hvernig dans Lindy hop er:
https://www.youtube.com/watch?v=6fDIPCuGpjE

mi­vikudagurinn 9. ßg˙stá2017 - 09:16 | Menningarmßl

Tungumßlaskr˙­ganga ß ═safir­i

1 af 2

Á föstudag klukkan 11.30 verður tungumálaskrúðganga frá Edinborgarhúsinu á Ísafirði að Byggðasafni Vestfjarða. Tilgangurinn er að vekja athygli á fjöltyngi og lokum sumarnámskeiðs fyrir börn þar sem fjölbreytni samfélagsins á Ísafirði er fagnað. Skrúðgangan er opin öllum og boðið verður upp á plokkfisk fyrir utan Tjöruhúsið. Við lok göngunnar munu þátttakendur námskeiðsins fleyta bátum sem þau hafa búið til.

 

Elíza Reid forsetafrú kemur til Ísafjarðar í tilefni dagsins og stýrir fundi sem fer fram í Rögnvaldarsalnum í Edinborgarhúsinu kl: 13 – 15. Fundurinn er um framtíð sumarskóla þar sem tungumálum og fjölbreytni er fagnað í málörvandi umhverfi.

 

Hugmyndin að verkefninu vaknaði í fyrra þegar áhugafólk um fjöltyngi fundaði á Ísafirði. Anna Hildur Hildibrandsdóttir átti hugmyndina og stýrði framkvæmd námskeiðsins í ár í samstarfi við Menningarmiðstöðina Edinborg og Ísafjarðarbæ. Fimmtán börn sem tala sjö tungumál tóku þátt í námskeiðinu sem er fyrsta skrefið í þróun sumarskóla til að efla málvitund barna.  Námskeiðið var opið öllum börnum á Ísafirði en sérstaklega ætlað fjöltyngdum börnum af öllum þjóðernum.

 

Tónlistarkennarinn Jóngunnar Biering Margeirsson og myndlistarkonurnar og kennararnir Ólöf Dómhildur Jóhannsdóttir og Nína Ivanova leiðbeindu börnunum í gegnum tón- og myndlist, leik og sögur. Jafnframt hefur Isabel Alejandra Diaz aðstoðað á námskeiðinu en saga hennar sem innflytjandi frá El Salvador varð hvatinn að hugmyndinni. Leiðbeinendurnir munu kynna afrakstur vinnunnar á fundinum á föstudaginn.

Ísafjarðarbær, Menningarmiðstöðin Edinborg, Tjöruhúsið, Landsbanki Íslands á Ísafirði, Nettó og Penninn Eymundsson studdu við námskeiðið í ár.

■ri­judagurinn 8. ßg˙stá2017 - 13:33 | Menningarmßl

Jazz Ý Edinborg

Hljómsveitin Berg sem er dansk-íslenskur jazzkvartett spilar í Edinborgarhúsinu 9. ágúst kl:20.
Almennt miðaverð 2.500
Nemendur og eldri borgarar 1.500
Berg er dansk-íslenskur jazzkvartett sem leikur með form á mörkum þess skrifaða og óskrifaða. Tónlistin er undir miklum norrænum áhrifum, jazz og þjóðlögum/sálmum auk ýmissa áhrifa frá klassík og rokktónlist. Tónlistin er í senn draumkennd og jarðbundin, frjáls og flæðandi.
Kvartettin skipa Snæbjörn Gauti Snæbjörnsson, saxófónleikari, Mathias Ditlev Eriksen, píanóleikari, Benjamin Møller Kirketerp á bassa auk Chris Falkenberg Rasmussen sem leikur á trommur. Snæbjörn semur efni kvartettsins en í meðförum hljómsveitarmeðlima verður eitthvað nýtt til í hvert skipti.

mi­vikudagurinn 2. ßg˙stá2017 - 14:09 | FrŠ­sla

Sumarnßmskei­ fyrir 5 - 8 ßra b÷rn

Vikuna 7. – 11. ágúst fer fram sumarnámskeið fyrir 5 - 8 ára börn í Edinborgarhúsinu á Ísafirði.

Námskeiðinu er ætlað að örva íslenskukunnáttu þar sem íslenska er annað mál barnanna eða eitt af mörgum tungumálum. Lögð verður áhersla á að börn sem búa erlendis geti ræktað tengsl sín við Ísland og skapað tengingar við börn sem búa á Íslandi. 

Hugmyndin að verkefninu vaknaði í fyrra þegar áhugafólk um fjöltyngi fundaði á Ísafirði. Anna Hildur Hildibrandsdóttir stýrir framkvæmd þess í samstarfi við Menningarmiðstöðina Edinborg og Ísafjarðarbæ.

Dagskráin verður frá kl. 10 – 12 alla daga og hefst með söngstund sem Jóngunnar Biering Margeirsson leiðir. Myndlistarkonurnar Ólöf Dómhildur Jóhannsdóttir og Nína Ivanova leiðbeina börnunum í gegnum myndlist, leik og sögur. Öll börn eru velkomin á námskeiðið og skráning á anna@annahildur.com og Jóngunnar í síma 6205778

Námskeiðið í sumar er tilraun sem tengist hugmyndum um að stofna sumarskóla fyrir fjöltyngd börn á Ísafirði.

fimmtudagurinn 20. j˙lÝá2017 - 13:43 | Umhverfis- og eignasvi­

Breyting ß deiliskipulagi ß Torfnesi

Bæjarráð Ísafjarðarbæjar, sem starfandi bæjarstjórn, samþykkti þann 14. júlí síðastliðinn að auglýsa tillögu að breytingu á deiliskipulagi íþróttasvæðis á Torfnesi skv. 1. mgr. 43. gr. skipulagslaga nr.123/2010.
 
Breytingarsvæðið afmarkast af íþróttasvæðinu á Torfnesi, Ísafirði. Deiliskipulagsbreytingin felur í sér að að hluti núverandi gervigrasvallar verði felldur út og þar verði nýr byggingarreitur fyrir fjölnotahús. Hönnun byggingarinnar skal miðast við að viðhalda heildaryfirbragði bygginganna á Torfnesi, með dökkrauðu þaki og þykkum þakkanti. Að öðru leyti gilda öll ákvæði gildandi deiliskipulags
 
Tillagan liggur frammi á bæjarskrifstofum Ísafjarðarbæjar, Stjórnsýsluhúsinu, Hafnarstræti 1 frá 20. júlí til og með 31.ágúst 2017. Tillagan verður einnig aðgengileg á heimasíðu sveitarfélagsins: www.isafjordur.is .
 
Athugasemdir skulu vera skriflegar og berast skipulagsfulltrúa í síðasta lagi 1. september 2017 annaðhvort á Tæknisvið Ísafjarðarbæjar, Hafnarstræti 1, 400 Ísafjörður eða á netfangið: axelov@isafjordur.is
Fyrri sÝ­a
1
234567959697NŠsta sÝ­a
SÝ­a 1 af 97
Vi­bur­adagatal
« ┴g˙st »
S M Ů M F F L
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    
Vefumsjˇn