Flřtilei­ir
fimmtudagurinn 16. nˇvemberá2017 - 11:05 | FrŠ­sla

VÝsindaport - Breyttir tÝmar, nřjar a­fer­ir, hugrakkari lei­togar

Stjórnunaraðferðir verða til umfjöllunar í Vísindaporti á föstudag í Háskólasetri Vestfjarða en þá mun Sigurborg Kr. Hannesdóttir, ráðgjafi, flytja fyrirlestur um það hvernig hægt er að virkja fleiri við ákvarðanatökur. Stjórnunaraðferðir eru stöðugt að þróast og breytast og sífellt fleiri stjórnendur leggja áherslu á að vinna með samstarfsfólki og viðskiptavinum/þjónustuþegum í tengslum við stefnumótun og ákvarðanir. Almenningur kallar líka eftir slíkum breyttum vinnubrögðum af hálfu fyrirtækja, stofnana, sveitarfélaga og ríkisstjórnar.

Í erindinu verður sagt frá því fagi sem kallast „Þátttaka almennings“, hvaða skilyrði þurfa að vera til staðar til að hún skili árangri og virki bæði fyrir stjórnendur og þau sem taka þátt í samtalinu. Einnig er fjallað um samtalið sjálft, þar sem horfið er frá hefðbundnum fundum þar sem stíga þarf í pontu og til aðferða sem bjóða upp á breiðari þátttöku. Loks verður sjónum beint að leiðtogunum, hugrekki og valdeflingu.

Sigurborg Kr. Hannesdóttir er fædd og uppalin í Stykkishólmi. Síðustu 17 ár hefur hún sérhæft sig í samráðsaðferðum og valdeflandi fundaformum og starfar sem ráðgjafi á því sviði. Sigurborg hefur meistaragráðu í þróun og skipulagningu ferðamála frá Surreyháskóla í Bretlandi en hafði áður lokið BA prófi í félagsfræði og félagsráðgjöf frá Háskóla Íslands. Jafnframt hefur hún kennararéttindi í jóga og 5Rytma dansi og hefur nokkuð fengist við sagnalist. Sem ráðgjafi hefur hún m.a. stýrt íbúaþingum í sveitarfélögum víða um land, hefur sjálf setið í sveitarstjórn og haldið námskeið og sinnt verkefnisstjórnun. Sigurborg býr í Grundarfirði og rekur eigið ráðgjafarfyrirtæki, ILDI.

Vísindaport stendur frá 12.10-13.00 og er opið öllum. Erindi vikunnar verður flutt á íslensku.

mi­vikudagurinn 15. nˇvemberá2017 - 14:29 | Menningarmßl

Opin bˇk Ý Edinborgarh˙sinu

Laugardaginn 18. nóvember, klukkan 16:00 verður bókmenntavakan Opin bók haldin í Edinborgarsal Edinborgarhússins á Ísafirði.
Opin bók er árviss viðburður í menningarlífnu á Ísafirði þar sem rithöfundar koma fram og lesa upp úr nýútkomnum bókum sínum. Boðið verður upp á kaffi og smákökur undir lestrinum.
Þeir höfundar sem koma fram að þessu sinni eru:

  • Vilborg Davíðsdóttir, sem les úr bókinni Blóðug jörð Bókin er þriðja bók hennar um landnámskonuna Auði djúpúðgu.
  • Adolf Smári Unnarsson sem les úr fyrstu skáldsögu sinni, Um lífsspeki Abba og Tolteka (eða líf mitt sem Olof Palme)
  • Kristín Eiríksdóttir les upp úr bókinni Elín,  ýmislegt. Bókin er margslungin og listavel ofin saga um mæður og dætur, ofbeldi og áföll, vald og gleymsku.
  • Ómar Valgeir Jónsson les upp úr bókinni Vitavörðurinn. Sagan af vitaverðinum á Galtarvita sem handtekinn var af breska hernum fyrir að skjóta skjólshúsi yfir þýskan flóttamann.  Heimsvaldastefna og íslensk gestrisni.
  • Þórarinn Leifsson les upp úr bókinni Kaldakol sem er gráglettinn frásögn af örlögum smáþjóðar á hjara veraldar.

Nánari upplýsinar um höfundana og bækur þeirra eru á síðum Edinborgarhússins hér og á Facebook síðu viðburðarins hér 

fimmtudagurinn 9. nˇvemberá2017 - 14:12 | FrŠ­sla

Nßmskei­ fyrir foreldra - Hva­ get Úg gert?

Þann 29. nóvember n.k verður haldið „hvað get ég gert“ námskeið  fyrir foreldra. Árný Ingvarsdóttir sálfræðingur og höfundur bókanna sem hefjast á ,,Hvað get ég gert“ og eru ætlaðar nemendum frá 6-11 ára til að fást við ýmis vandamál.  Bækurnar eru ætlaðar til að vinna með fullorðnum og við bjóðum foreldrum upp á námskeið til að geta unnið með þessar bækur með börnum sínum.

Klukkan 17:30 verður fjallað um hvernig er árangursríkast að vinna með bókina ,,Hvað get ég gert við of miklar áhyggjur“ sem er ætluð börnum sem glíma við kvíða.

 

Klukkan 20:00 verður fjallað um hvernig best er nota bókina ,,Hvað get ég gert þegar reiði tekur völdin“. 

 

Námskeiðin eru ætluð foreldrum sem vilja vinna með þessi atriði með börnum sínum og eru foreldrum að kostnaðarlausu.

Námskeiðin verða haldin í Grunnskólanum á Ísafirði.

fimmtudagurinn 9. nˇvemberá2017 - 11:17 | FrŠ­sla

VÝsindaport - Raforku÷ryggi og orkuframlei­sla ß Vestfj÷r­um

Vísindaport vikunnar í Háskólasetri Vestfjarða verður helgað málefni, sem er ofarlega á baugi í samfélagsumræðu á Vestfjörðum um þessar mundir. Elías Jónatansson, orkubússtjóri, mun flytja erindi um raforkukerfið í fjórðungnum og hvernig samspil er á milli raforkuframleiðslu, flutnings, dreifingar, varaafls og orkuöryggis.

Framleiðsla,flutningur og dreifing eru þeir þrír þættir sem þurfa að vera til staðar til að uppfylla væntingar og eftirspurn neytanda eftir raforku þegar og þar sem hennar er þörf.  Hver og einn þessarra þátta getur brugðist sem kemur þá fram í straumleysi hjá notendum.  Hægt er að hanna raforkukerfið með þeim hætti að engin ein eining þess geti valdið straumleysi hjá notendum og er þá talað um að kerfið uppfylli N-1 kröfu.  Ein leið til að uppfylla slíka kröfu er svokölluð hringtenging, en hún er ekki nægjanleg ein og sér ef aflið er ekki til staðar. 

Elías Jónatansson er fæddur og uppalinn í Bolungarvík.  Hann er vélaverkfræðingur að mennt frá Háskóla Íslands og er með MSc gráðu í iðnaðarverkfræði frá Oregon State University í Bandaríkjunum.  Elías hefur starfað hjá framleiðslufyrirtækjum, aðallega í tengslum við sjávarútveg, en starfaði einnig sem bæjarstjóri í Bolungarvík í átta ár.  Elías gegnir nú starfi orkubússtjóra hjá Orkubúi Vestfjarða.

Vísindaportið stendur frá 12.10-13.00 í kaffistofu Háskólaseturs Vestfjarða. Það er öllum opið en erindi vikunnar fer fram á íslensku.

fimmtudagurinn 9. nˇvemberá2017 - 08:40 | Umhverfis- og eignasvi­

Auglřsing um deiliskipulagstill÷gu vi­ Mjˇlkßrvirkjun

Bæjarstjórn Ísafjarðarbæjar samþykkti 2. nóvember 2017 að auglýsa tillögu að breytingu á deiliskipulagi Mjólkárvirkjunar og veitusvæðis hennar skv. 1. mgr. 43. gr. skipulagslaga nr. 123/2010.

 

Deiliskipulagsbreytingin felst í að skipulagssvæði Mjólkárvirkjunar stækkar til austurs inn á Glámuhálendið um u.þ.b. 10 km2. Meðal annars er gert ráð fyrir fjórum nýjum veituskurðum, tveimur nýjum stíflum auk yfirfalla og lokuhúsa. Einnig verður byggt yfir spenna og tengivirki í Borgarfirði.

 

Tillagan liggur frammi á skrifstofum Ísafjarðarbæjar, Stjórnsýsluhúsinu, Hafnarstræti 1, frá 9. nóvember 2017 til 21. desember 2017 og á heimasíðu Ísafjarðarbæjar, nánar tiltekið á slóðinni http://www.isafjordur.is/umhverfid/deiliskipulag/Mjolkarvirkjun_-_Deiliskipulagstillaga/

 

Athugasemdir skulu vera skriflegar og berast skipulagsfulltrúa í síðasta lagi 22. desember 2017, annaðhvort skriflega á Ísafjarðarbæ, Hafnarstræti 1, 400 Ísafirði  eða á netfangið: axelov@isafjordur.is .

mi­vikudagurinn 8. nˇvemberá2017 - 14:25 | Ţmsar tilkynningar

Opinn fundur um stjˇrnunar- og verndarߊtlun fyrir fri­landi­ ß Hornstr÷ndum

Samstarfshópur um gerð stjórnunar- og verndaráætlun fyrir friðlandið á Hornströndum býður til opins fundar um áætlunargerðina miðvikudaginn 15. nóvember klukkan 17:00 - 19:00, í Háskólasetri Vestfjarða á Ísafirði.

Markmið fundarins er að upplýsa íbúa, hagsmunaaðila og landeigendur um gerð stjórnunar- og verndaráætlunar fyrir Hornstrandafriðlandið og kalla eftir skoðunum heimamanna um þau málefni sem fjallað verður um í áætluninni.

Stjórnunar- og verndaráætlunin er unnin skv. 81. gr. laga um náttúruvernd 60/2013 en þar segir m.a.

„Í stjórnunar- og verndaráætlun skal m.a. fjallað um landnýtingu, landvörslu, vöktun, uppbyggingu, fræðslu og miðlun upplýsinga, verndaraðgerðir og aðgengi ferðamanna, þar á meðal aðgengi fatlaðs fólks. Ef ekki hafa verið settar sérstakar reglur um umferð manna og dvöl á viðkomandi svæði í auglýsingu um friðlýsingu er heimilt að setja slíkar reglur í stjórnunar- og verndaráætlun svo og reglur um önnur atriði er greinir í IV. Kafla”

Frekari upplýsingar um vinnslu áætlunarinnar má finna hér http://ust.is/einstaklingar/nattura/verndaraaetlanir-i-vinnslu/hornstrandir/

Jafnframt verður fundur fyrir landeigendur haldinn í Reykjavík þann 23. nóvember.

Landeigendur, hagsmunaaðilar og aðrir þeir sem hafa áhuga á svæðinu eru hvattir til þátttöku í fundunum.

■ri­judagurinn 7. nˇvemberá2017 - 15:07 | Umhverfis- og eignasvi­

Tilbo­ opnu­ Ý sorphir­u og -f÷rgun

Þriðjudaginn 7. nóvember 2017 voru opnuð tilboð í verkið „Sorphirða og –förgun í Ísafjarðarbæ 2018-2021“. Fjögur tilboð bárust frá tveimur aðilum og eru þau birt hér með þeim fyrirvara að yfirferð er ekki lokið:

 

Kubbur ehf.                                                423.650.536 kr.

Kubbur ehf. – frávikstilb.                            375.990.536 kr.

Gámaþjónusta Vestfjarða                          358.301.352 kr.

Gámaþjónusta Vestfjarða – frávikstilb.      322.496.552 kr.

 

Kostnaðaráætlun hljóðaði upp á 473.807.200 kr. Heimilt var að skila inn frávikstilboðum þar sem söfnun lífræns úrgangs og moltugerð var sleppt og gerðu báðir aðilar það.

mßnudagurinn 6. nˇvemberá2017 - 14:44 | Menningarmßl

Elmar Gilbertsson Ý H÷mrum

Sannkölluð söngveisla verður haldin í Hömrum sunnudaginn 19.nóv. kl.14:00.

Ein skærasta stjarnan á íslenska sönghimninum, Elmar Gilbertsson, ætlar að syngja ljóðasöngva og aríur og meðleikari hans á píanó er „hálfísfirðingurin“ Helga Bryndís Magnúsdóttir.

Tónleikarnir verða kynntir nánar síðar.

Tónlistarfélag Ísafjarðar-

fimmtudagurinn 2. nˇvemberá2017 - 11:59 | FrŠ­sla

VÝsindaport - LestrarfÚl÷g Ý SlÚttuhreppi

Í Vísindaporti föstudagsins í Háskólasetri Vestfjarða verður fjallað um lestrarfélög í Sléttuhreppi fyrr og nú. Andrea Harðardóttir, sagnfræðingur, og Jóna Benediktsdóttir, skólastjóri Grunnskólans á Ísafirði, flytja erindið saman en þær eru báðar ættaðar frá Horni í Sléttuhreppi og hafa dvalist þar mikið í gegnum tíðina.
Undir lok 19. aldar var lestrarfélag stofnað í Sléttuhreppi. Starfssemin virðist hafa lognast út af fljótlega en upp úr aldamótunum 1900 var það endureist og starfaði á meðan að hreppurinn var í byggð. Sumarið 2016 var sett upp bókasafn í Gamla barnaskólanum að Sæbóli í Aðalvík. Tilgangurinn með því var m.a. sá að endurvekja starfssemi gamla lestrarfélagsins að einhverju leyti. Í erindinu verður sagt frá því því hvernig sú hugmynd kom upp að endurreisa lestrarfélagið og hvert markmiðið með því sé.
Jóna Benediktsdóttir er aðstoðarskólastjóri Grunnskólans á Ísafirði en starfar í vetur sem skólastjóri. Hún er ættuð frá Horni í Sléttuhreppi en eiginmaður hennar, Henrý Bæringsson frá Sæbóli í Aðalvík.  Á sumrin dvelja þau iðulega á Sæbóli eða á Horni í sumarhúsum fjölskyldna sinna.
Andrea S. Harðardóttir er sagnfræðingur og sögukennari við Menntaskólann á Ísafirði. Hún er ættuð frá Horni í Sléttuhreppi og dvelur þar reglulega á sumrin í sumarhúsi fjölskyldunnar.
Vísindaportið stendur frá 12.10-13.00 í kaffistofu Háskólaseturs. Allir eru velkomnir en erindi vikunnar að þessu sinni verður flutt á íslensku.
■ri­judagurinn 31. oktˇberá2017 - 15:40 | Stjˇrnsřslusvi­

A­alfundur hverfisrß­s Eyrar og efri bŠjar

Aðalfundur hverfisráðs Eyrar og efri bæjar verður haldinn í Rögnvaldarsal Edinborgarhússins klukkan 19.00 miðvikudaginn 15. nóvember.

 

Dagskrá:

  1. Skýrsla stjórnar
  2. Reikningar félagsins
  3. Kosning stjórnar og skoðunarmanna
  4. Fjárhagsáætlun næsta starfsárs
  5. Önnur mál
SÝ­a 1 af 101
Vi­bur­adagatal
« Nˇvember »
S M Ů M F F L
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    
Vefumsjˇn