Flřtilei­ir
■ri­judagurinn 12. maÝá2015 - 13:04 | Umhverfis- og eignasvi­

GrŠn vika Ý ═safjar­arbŠ

Í samvinnu við íbúa, skóla og fyrirtæki stendur Ísafjarðarbær fyrir svokallaðri „grænni viku“ í bæjarfélaginu 22. til 29. maí. Markmiðið með framtakinu er að gera Ísafjarðarbæ að enn fallegri og skemmtilegri bæ þar sem fegurð og snyrtimennska verða í fyrirrúmi, íbúum bæjarins til sóma.

Mikilvægt er að virkja grunnskóla og leikskóla til þátttöku ásamt öðrum stofnunum Ísafjarðarbæjar. Einnig er þátttaka almennings og fyrirtækja mikilvæg þar sem allir leggjast á eitt þessa viku við að fegra umhverfið og hafa gaman af fallegum bæ.  Hugmyndin er að íbúar sjálfir skipuleggi tiltekt og uppákomur í sínu hverfi og fyrirtæki taki til við sitt nánasta umhverfi.  Veitingahús eru hvött til að hafa sérstök tilboð í tilefni „grænu vikunnar“ og verslanir beðnar um að leggja sitt af mörkum með tilboðum í anda átaksins.  Hafnir Ísafjarðarbæjar taka þátt í verkefninu og sérstakt átak verður til að gera hafnir bæjarins snyrtilegar fyrir sumarið.

Miklar væntingar eru um gott ferðasumar hér í bænum og mikilvægt að vel sé tekið á móti ferðafólki. Samtakamáttur okkar allra er nauðsynlegur til að ná sem bestum árangri og mikilvægt að hafa gaman af um leið. Tilvalið er að standa fyrir útigrilli í hverfum að loknu góðu dagsverki þar sem glaðst er saman yfir góðum árangri.

Nánari upplýsingar um tilhögun verkefnisins eru væntanlegar í næstu viku.

Vi­bur­adagatal
« Nˇvember »
S M Ů M F F L
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    
Vefumsjˇn