Flřtilei­ir
mi­vikudagurinn 20. maÝá2015 - 11:29 | Umhverfis- og eignasvi­

GrŠnni viku ■jˇfstarta­ ß Su­ureyri

Græn vika verður í Ísafjarðarbæ dagana 22. til 29. maí, frá föstudegi til föstudags. Harðduglegir Súgfirðingar vildu þó ekki fresta því sem hægt var að gera strax, enda engin ástæða til, og fóru í gagngera ruslahreinsun á Suðureyri og í nálægum fjörum í gær. Um 40 manns tóku þátt, bæði börn og fullorðnir og varð afraksturinn um hálfur annar gámur af rusli. Íþróttafélagið Stefnir stóð fyrir hreinsunardeginum í samstarfi við Ísafjarðarbæ og fleiri, en Fisherman á Suðureyri bauð hópnum upp á lambalæri og tilheyrandi að lokinni hreinsun. Götusópur Ísafjarðarbæjar, vorboðinn ljúfi, kemur svo nú eftir hádegi og pússar göturnar á Suðureyri fínar í kjölfar hreinsunarinnar.

Fjölmargir koma að Grænu vikunni. Hafnarstarfsmenn hafa hreinsað hafnarsvæðið á Ísafirði, leikskólarnir Sólborg og Eyrarsól og skóla- og leikskólabörn á Flateyri tína rusl frá miðvikudegi til föstudags í næstu viku, Grunnskólinn á Ísafirði verður með svokallaðan „vorverkadag“ á fimmtudegi og Íbúasamtök Hnífsdals standa fyrir hverfishreinsun og grillveislu laugardaginn 30. maí.

Sorpþjónustufyrirtækin Kubbur og Gámaþjónusta Vestfjarða taka virkan þátt í átakinu og fá bestu þakkir fyrir. Gámar fyrir garðaúrgang verða opnir eins og hér segir í vikunni, en við viljum ítreka að óheimilt er að henda þar nokkru öðru en garðaúrgangi:

Ísafjörður                           Við Funa

Hnífsdalur                          Við Bakkaskjól

Suðureyri                           Við Klofning

Þingeyri                               Við gamla áhaldahús

Flateyri                                Á höfninni

Vi­bur­adagatal
« Desember »
S M Ů M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            
Vefumsjˇn