Flřtilei­ir
mßnudagurinn 31. desemberá2012 - 09:24 | FramkvŠmda- og rekstrarsvi­

Snjˇmokstur og akstur almenningsvagna

Starfsmenn áhaldahússins á Ísafirði mokuðu helstu leiðir í gær, sem og eina og aðra götu í efri bænum að beiðni almannavarna. Unnið er nú að mokstri í Holtahverfi og er lögð áhersla á að halda opnum hring um hverfið, Hafraholt, Holtabraut, Stórholt og niður Móholt og Árholt, en þar hefur verið opnað á milli þessara tveggja botnlanga. Annað tæki hefur verið að störfum í Hnífsdal frá því í gær. Ófært er upp í Múlaland og óvíst eins og er hvenær hægt verður að opna þar.

Á Suðureyri, Flateyri og Þingeyri er ein vél að störfum á hverjum stað.

Erfitt er með akstur almenningsvagna. Í morgun voru farnar ferðir í Holtahverfi, en Eyrarhlíð var lokuð og Hnífsdalsvagninum því snúið við. Þingeyrarbíllinn komst ekki í morgun vegna ófærðar, en leggur vonandi af stað um þetta leyti til Ísafjarðar og aftur til baka til Þingeyrar klukkan 11.00. Flateyrarleggurinn er þó úti þar sem umferð er bönnuð um Hvilftarströnd. Þá komst bíllinn ekki til Suðureyrar í morgun vegna ófærðar og eru engar frekari ferðir á áætlun þangað í dag.

Íbúar og gestir í Holtahverfi eru beðnir um að hafa í huga þegar akstur skólabarna hefst eftir áramót að stóri strætisvagninn þarf að geta snúið innst í Stórholti, en þar hefur nú verið lagt nokkrum fjölda bíla.

Vi­bur­adagatal
« Desember »
S M Ů M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            
Vefumsjˇn