Flřtilei­ir
fimmtudagurinn 7. nˇvemberá2013 - 11:10 | FrŠ­sla

VÝsindaport - Ber okkur aldrei a­ vÝkja?

„Ber okkur aldrei að víkja? Jón Sigurðsson og samtíminn er yfirskrift Vísindaports vikunnar, föstudaginn 8. nóvember. Það er Guðmundur Hálfdánarson Hrafnseyrarprófessor sem flytur erindið.

 

Í erindinu mun Guðmundur leggja útfrá kjörorðum sem oft eru tengd nafni Jóns Sigurðssonar („Aldrei að víkja“), og fjalla í stuttu máli um pólitíska hernaðarlist Jóns Sigurðssonar og hvað megi læra af henni á okkar tímum.

 

Guðmundur Hálfdánarson er með BA gráðu í sagnfræði og fornleifafræði frá háskólanum í Lundi og Háskóla Íslands, cand.mag. gráðu frá HÍ og meistara- og doktorsgráðu frá Cornell háskóla. Síðan 1991 hefur hann kennt sagnfræði við Háskóla Íslands, fyrst sem lektor en sem prófessor frá árinu 2000. Helstu sérsvið hans eru evrópsk hug- og félagssaga, en þó einkum saga þjóðernis og þjóðernisstefnu á Íslandi og kenningar um þjóðernisstefnu í Evrópu.

 

Vísindaport hefst klukkan 12:10 í kaffistofu Háskólaseturs. Allir velkomnir.

Vi­bur­adagatal
« ┴g˙st »
S M Ů M F F L
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    
Vefumsjˇn