Flřtilei­ir
fimmtudagurinn 19. nˇvemberá2015 - 10:41 | FrŠ­sla

VÝsindaport - ═slenska landnßmshŠnan

Í Vísindaporti vikunnar mun Albína Hulda Pálsdóttir, kennari við námsbrautina Haf- og strandsvæðastjórnun, vera með erindi um íslensku landnámshænuna. Erindið fer fram á ensku og hefst kl. 12:10 í kaffistofu Háskólaseturs.

Landnámshænan var nærri útdauð þegar henni var bjargað á níunda áratug síðustu aldar og hefur stofninn verið að taka við sér á síðustu 20 árum. Landnámshænurnar hafa fengið athygli fyrir litfagrar fjaðir og gott lunderni, enda er nú svo komið að þær eru vinsælar sem gæludýr til sveita. Kynið er talið mjög gamalt og eins og nafnið gefur til kynna hefur það verið á Íslandi jafn lengi manninum. Fjölbreyttir litir kynsins virðast falla vel við annan íslenskan búfénað, sem einnig er þekktur fyrir litadýrð, en ætla má að litafjölbreytnin stafi af því hve seint teknar voru upp skipulagðar kynbætur á Íslandi. Er íslenska hænan í dag afkomandi landnámshænunnar eða er þetta nýtt kyn? Við fornleifauppgrefti er ekki algengt að finna leyfar sem tengjast hænum en þeim mun algengara að finna bein af villtum fuglum. Sögulegar heimildir geyma jafnframt litlar upplýsingar um hænsn á Íslandi og því vakna margar spurningar. Í erindinu verða teknar saman þær upplýsingar sem finnast innan fornleifafræðinnar og sagnfræðinnar um hænur. Einnig verða kynntar DNA prófanir sem gerðar hafa verið á íslenskum hænum og til að öðlast betri skilning á sögu hænsna á Íslandi.

Albína Hulda Pálsdóttir lauk BA gráðu í fornleifafræði við Háskóla Íslands og MA gráðu í fornleifafræði frá Hunter College, The City University of New York. Albína hefur sérhæft sig í greiningu dýrabeina og hefur unnið við uppgrefti á Íslandi, Írlandi og Grænlandi. Albína starfar nú sem dýrafornleifafræðingur við Landbúnaðarháskólann á Hvanneyri.

Vísindaportið hefst kl. 12:10 að vanda og fer fram á ensku að þessu sinni. Allir velkomnir.

Vi­bur­adagatal
« ┴g˙st »
S M Ů M F F L
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    
Vefumsjˇn